(21/05/2014)
As institucións galegas recibiron a primeira entrega do libro 'Galicia en Cuba'
Redacción, A Habana | 20 Maio 2014 - Crónicas da Emigración
O Grupo de Comunicación Galicia no Mundo iniciou a distribución entre as institucións cubanas do primeiro tomo do libro 'Galicia en Cuba', editado por este grupo e no que se recolle a historia do asociacionismo galego en Cuba.
A primeira entrega deste volume recibiu unha grande acollida por parte do público que ve como se sistematizou o estudo das orixes da colectividade sen perder de vista o carácter humano dos seus integrantes.
Os datos, as fotografías e as historias das institucións e os seus integrantes mestúranse neste libro que é moi apreciado polos galegos da illa, xa que recoñecen no seu contido a súa propia historia familiar.
Este primeiro tomo de 'Galicia en Cuba' fai un percorrido polo asociacionismo galego na illa e pola historia de entidades tan significativa como a Sociedade Benéfica Naturais de Galicia, Centro Galego da Habana e Fillas de Galicia.
Ademais, recóllense as institucións de cada provincia. Na Coruña, Ferrol e a súa bisbarra, Fillos do Concello de Buján, Partido Xudicial de Arzúa e Unión Murgadesa, así como datos variados doutras institucións coruñesas.
En Lugo, Fillos do Concello de Abadín, Fillos do Distrito de Sarria, Liga Santaballesa de Educación e Instrución, Sociedade de Meira e Pol, Monterroso e Antas de Ullas, Club Navia de Suarna e Fillos de Lorenzana.
En Ourense faise un percorrido pola historia da Sociedade de Fomento e Protección Mutua Unión Ourensana e ofrécense datos doutros colectivos como Trives e a súa bisbarra e Agrupación de Valdeorras e Viana.
Fillos do Concello de Golada, Fillos do Concello de A Estrada, Fillos do Concello de Lalín e Naturais de Ortigueira, Asociación de Beneficiencia e Protección Mutua, son as institucións pontevedresas que se recollen neste libro.
Este libro pertence á colección de Crónicas da Emigración que, actualmente, conta con máis de 40 títulos referentes ás diferentes colectividades españolas en diferentes países de acollida da emigración.
'Cuba, os galegos e o Che', 'Leonor e Mariano, pais de Martí', 'Vidas Gravadas en Pedra', 'Do misterio á realidade. Galegos na Cienaga de Zapata', 'Galegos en Cuba', e 'Galegos no Patrimonio Azucreiro Cubano' son os outros títulos da colección Crónicas da Emigración que fan referencia aos galegos en Cuba.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas