(04/04/2014)
A Coordinadora Europea de Emigrantes organiza unhas xornadas de información sobre o mercado laboral
Redacción, Lieja | 03 Abril 2014 - Crónicas da Emigración
A Coordinadora Europea de Asociacións de Emigrantes Españois (CEAEE) organiza na cidade de Lieja (Bélxica) unhas xornadas de información sobre o Mercado Laboral destinada a mozos españois que están a buscar traballo neste país ou arredores.
Esta actividade, que se realiza coas axudas do Programa para Mozos da Dirección Xeral de Migracións, ten como obxectivo orientar os españois que chegan a diferentes países europeos a buscar un traballo ou montar un negocio.
A todos os participantes se lles dará información, orientación e asesoramento a través de talleres de traballo sobre como buscar traballo, como solicitar currículos, aprendizaxe de idiomas, primeiros pasos administrativos ao chegar a un país, apoio para emprendedores e a Unión Europea e o desemprego xuvenil.
As xornadas terán lugar no Albergue Xuvenil Georges Simenón en Lieja (Bélxica), o fin de semana do 3 e 4 de maio de 2014. A participación é totalmente gratuíta, e aqueles que queiran quedar a durmir poderán facelo por 25 euros por noite, incluído o almorzo.
Máis información no correo electrónico ceaee.asbl@gmail ou nos teléfonos 42646909 (fixo Bélxica), 0032 476343535 (móbil Bélxica) e 0034 686103804 (móbil España).
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas