Alfonso Rueda e Miranda manteñen un encontro coa colectividade galega en Salvador de Bahía

(31/03/2014)

Alfonso Rueda e Miranda manteñen un encontro coa colectividade galega en Salvador de Bahía

Redacción, Salvador de Bahía | 29 Marzo 2014 - Crónicas da Emigración



O presidente de Caballeros regala uns libros aos dirixentes galegos.

O vicepresidente da Xunta, Alfonso Rueda, e o secretario xeral de Emigración, Antonio Rodríguez Miranda, mantiveron este sábado un encontro coa colectividade galega en Salvador de Bahía, durante as visitas ás instalacións do Centro Espanhol e da Asociación Cabaleiros de Santiago, que preside Santiago Coelho Rodríguez Campo.

O vicepresidente destacou en ambos os dous lugares o incesante traballo dos galegos emigrados a Brasil en sectores tan importantes como a hostalaría e a alimentación grazas ao cal alcanzaron importantes cotas de éxito nos seus negocios.

Así mesmo, Alfonso Rueda animou a estes galegos emigrados a seguir loitando nun momento no que Brasil está a vivir unha etapa de expansión económica e así seguir reforzando os vínculos culturais, lingüísticos e económicos que enlazan ambos os dous países.