Decenas de emigrantes retornados secundaron esta mañá a mobilización convocada en toda Galicia e que en Ferrol se celebrou fronte á sede de Facenda, na zona de Tejeras. Membros da plataforma de afectados de Ferrol, Eume e Ortegal desafiaron o forte ballón que caeu cara ás once da mañá e participaron nunha protesta encabezada por unha pancarta na que podía lerse «Somos emigrantes retornados, non defraudadores. Queremos xustiza».

Refírense con iso ás multas impostas por Facenda a moitos deles por non declarar as pensións percibidas no estranxeiro, que, denuncian, en todo momento se lles asegurou desde as propias oficinas tributarias, que non debían declarar. Con todo, comezaron a recibir avultadas sancións nas que se lles esixe o pagamento retroactivo de cinco anos. O colectivo reclama que se anulen esas multas.

A protesta desta mañá forma parte do calendario de mobilizacións emprendido pola plataforma.