GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

España apela á responsabilidade dos europeos sobre a inmigración

(24/03/2014)

 

España apela á responsabilidade dos europeos sobre a inmigración

 

El Economista | AFP | 21/03/2014

 

O goberno español apelou de novo este venres á responsabilidade da Unión Europea na contención da inmigración, nun momento en que o enclave de Melilla, ao norte de Marrocos, está desbordado ante as sucesivas chegadas de clandestinos.

"Pedimos á Unión Europea que sexa seguido o fenómeno da inmigración como unha cuestión que afecta ao conxunto" dos europeos, declarou o ministro do Interior, Jorge Fernandez Díaz, nunha rolda de prensa tras a reunión semanal do consello de ministros.

Os dous enclaves de Ceuta e Melilla, na costa norte de Marrocos, "son fronteiras exteriores de España pero son fronteiras da UE", afirmou. "Polo tanto, a esta presión migratoria extraordinaria á que nos vemos sometidos, non podemos nin debemos darlle resposta nós en solitario", agregou.

A cidade autónoma de Melilla, separada de Marrocos por un triplo valo fronteirizo destinado a conter os inmigrantes procedentes da África subsahariana e o Magreb, enfróntase nas últimas semanas a novas chegadas masivas de inmigrantes, sen precedentes dende 2005.

Máis de mil subsaharianos franquearon dende hai un mes a fronteira escalando o valo fronteirizo.

No último destes asaltos, o 18 de marzo, uns 500 clandestinos entraron en chan español dende Marrocos, agravando a situación do centro de estanza temporal de inmigrantes da cidade que, con 480 prazas, acolle actualmente 1.800 persoas.

A aparición esta semana dun caso de meninxite nun mozo gabonés residente no centro suscitou preocupación en Melilla.

As autoridades locais subliñaron que se tomaran as medidas sanitarias necesarias.

"O risco de desenvolvemento da enfermidade é baixo e non debe existir motivo de alarma", afirmou a delegación do goberno en Melilla este venres, subliñando que 226 persoas foran sometidas a un tratamento preventivo.

En Ceuta, 15 inmigrantes morreron afogados o 6 de febreiro intentado chegar a nado ao litoral español tras rodear o valo fronteirizo no mar.

A actuación aquel día das forzas da orde españolas, acusadas de ter utilizado pelotas de goma contra os inmigrantes, suscitou polémica e España foi chamada á orde pola Comisión Europea.

Dende entón, a Garda Civil recibiu a orde de non utilizar pelotas de goma para rexeitar os asaltos. Paralelamente os intentos de entrada en grupo multiplicáronse, especialmente en Melilla.

 

 

Novas e Actualidade


Titulares
Histórico


 ACTIVIDADES

Agosto 2019
LMMeXVSD
   1234
567891011
12131415161718
19202122232425
262728293031 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas