Unha trintena de emigrantes retornados concentráronse esta mañá durante ao redor dunha hora fronte á sede de Facenda en Ferrol. Os afectados pola esixencia de pagamentos por pensións percibidas no estranxeiro non declaradas, polas que agora, ademais, o Goberno central impúxolles sancións e o pagamento retroactivo desde cinco anos atrás, presentaron escritos no rexistro coas alegacións a estas multas. Ademais, anunciaron que o vindeiro martes día 25 deste mes, realizarán unha nova mobilización fronte a Facenda de once da mañá a unha da tarde, que se realizará en todas as cidades galegas.

A plataforma de emigrantes retornados de Ferrolterra, Eume e Ortegal denuncia que integrantes de Facenda díxolles no seu día que non era necesario declarar esas pensións, xa que computaban como divisas, e que agora lles impoñen cuantiosas multas a persoas maiores, «o colectivo máis vulnerable».