(10/03/2014)
Inmigración. O parlamento europeo debaterá mañá sobre as mortes de ceuta
lainformacion.com
domingo, 09/03/14
O Parlamento Europeo debaterá este luns sobre a morte o pasado 6 de febreiro na praia do Tarajal, en Ceuta, dunha quincena de inmigrantes que trataban de entrar a nado en territorio español.
Este asunto será tratado na Comisión de Liberdades Civís, Xustiza e Asuntos Internos (Committee on Civil Liberties, Justice and Home Affairs) da Eurocámara.
Segundo informou a institución parlamentaria europea, durante a sesión, que terá lugar pola tarde, producirase un "intercambio de puntos de vista" con participación da Comisión".
CRÍTICAS A MALMSTRÖM
A este respecto, o eurodeputado do PP Carlos Iturgaiz ten acusado á comisaria europea de Interior, Cecilia Malmström, de criticar "de oídas" a actuación da Garda Civil na praia ceutí do Tarajal.
Iturgaiz valorou así, en declaracións a Servimedia, a carta remitida hai unhas semanas pola comisaria Malmström ao ministro do Interior, Jorge Fernández Díaz, na que pedía explicacións sobre a actuación da Benemérita en Ceuta o 6 de febreiro e aseguraba que o uso de pelotas de goma causou "pánico" nos inmigrantes, o que influíu en que se afogasen.
A este respecto, o eurodeputado do PP recordou a Malmström que a Garda Civil está "para salvar e non para matar a ninguén". "A comisaria debe ser consciente diso e coñece, ademais, que o ministro do Interior explicou no Congreso o sucedido con total transparencia", engadiu.
Sergio Gutiérrez, eurodeputado do PSOE e secretario xeral dos socialistas españois na Eurocámara, respondeu a Iturgaiz e declarou a esta axencia compartir a "preocupación" expresada pola comisaria europea de Interior sobre a morte de inmigrantes.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas