03 de marzo de 2014  

A Estrada acollerá o xoves día 13 unha charla informativa organizada pola Plataforma Estradense de Emigrantes Retornados sobre a vía xudicial á que poden recorrer os afectados polas multas e requirimentos da Axencia Tributaria por non ter declarado no seu día pensións do estranxeiro. A charla será impartida por unha avogada especializada nesta problemática. Segundo indicou a portavoz da Plataforma, Ana Rodríguez, empeza a haber algunhas sentenzas favorables aos pensionistas, aínda que relativas sobre todo á recuperación de cantidades pequenas. A hora e o lugar da charla fixaranse en breve.