GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Fernández Díaz pide «axuda de urxencia» á UE para a inmigración

(04/03/2014)

Fernández Díaz pide «axuda de urxencia» á UE para a inmigración

O apoio europeo iría destinado a «proxectos urxentes» como o reforzo do perímetro fronteirizo e dos centros de estancia temporal de inmigrantes

Escrito por:

03 de marzo de 2014  

O ministro de Interior de España, Jorge Fernández Díaz, pediu hoxe á comisaria europea de Interior, Cecilia Malmström, «axuda de urxencia» para proxectos valorados en 45 millóns de euros e destinados a mellorar a xestión da inmigración irregular en Ceuta e Melilla. «Pedinlle á comisaria axuda extraordinaria e de urxencia porque a situación que vivimos é de urxencia», sinalou Fernández Díaz nunha rolda de prensa tras reunirse coa comisaria, que pediu explicacións a España sobre a traxedia de principios de febreiro en Ceuta na que morreron 15 persoas.

O ministro explicou que ese apoio europeo iría destinado a «proxectos urxentes e inaprazables» como o reforzo do perímetro fronteirizo e dos centros de estancia temporal de inmigrantes (CETI) en Ceuta e Melilla. Os 45 millóns de euros é o custo total que se calcula que terían estes proxectos, explicou o ministro, quen confiou en que os fondos europeos poidan cubrir a maior parte dese gasto e asegurou que a comisaria se mostrou receptiva á súa petición. A axuda europea tamén permitiría financiar equipos cooperativos conxuntos entre Marrocos e España, sinalou o ministro que explicou que transmitiu as súas propostas por escrito á comisaria.

As reunión produciuse despois de que Malmström criticase o uso de pelotas de goma nos acontecementos de Ceuta ao considerar que poderían ter causado o pánico entre os inmigrantes. «Con todo o respecto á comisaria, manifesteille a miña contrariedade por esas declaracións e a do Goberno de España», sostivo o ministro, que criticou que a titular comunitaria manifestase a súa preocupación a través das redes sociais e dos medios de comunicación. «Cando hai unha investigación xudicial hai que ser especialmente coidadoso», afirmou, á vez que recordou que a confianza mutua e a lealdade son fundamentais. «Non me parece mal que a comisaria se interese pola situación porque esta dentro das súas competencias, pero que o faga polas canles adecuadas», resumiu.

O ministro dixo que polo momento «non hai nada que acredite unha relación causa efecto entre falecemento e a actuación da Garda Civil, que actuou con carácter disuasorio». «O Goberno de España esixe respecto e está coa Garda Civil», engadiu e asegurou que a proba de que se actuou con «carácter disuasorio» é que 23 inmigrantes chegaron sans e salvos á praia do Tarajal.

Recordou que se ordenou non volver utilizar pelotas de goma no mar porque se demostrou que non é o medio disuasorio máis efectivo.

Sobre a posibilidade de que a Comisión Europea (CE) inicie un procedemento de infracción contra España polo ocorrido en Ceuta, Fernández Díaz asegurou que esa cuestión non se tratou no encontro bilateral. Preguntado acerca das chamadas «devolucións en quente» e a petición de Bruxelas de que se respecten as normas de asilo a inmigrantes, o ministro asegurou que España aplica a lei de estranxeiría a todos os que entran en territorio español.

«A devolución en quente é ilegal, non existe no dereito», comentou, á vez que matizou que outra cousa é se os inmigrantes non superaron o valo metálico ou o valo humano da Garda Civil. O ministro recordou ademais que de todas as persoas que entraron en España o ano pasado a través de Ceuta e Melilla só 41 eran demandantes de asilo e no que vai de ano, só dous. «Os que entran en Ceuta e Melilla adoitan ser inmigrantes por razóns económicas e non de asilo», defendeu.

 

Chega a Melilla unha patera con 15 inmigrantes, a segunda en 24 horas

O Centro de Estancia Temporal de Inmigrantes xa se atopa ao triplo da súa capacidade

 

Quince inmigrantes de orixe subsahariana chegaron a Melilla a bordo dunha patera, a segunda que arriba á cidade en menos de 24 horas. Segundo informaron fontes da Delegación do Goberno, a embarcación cos quince inmigrantes, entre os que había unha muller menor de idade, chegou ao porto comercial da cidade cara á 01.45 horas.

Os inmigrantes desafiaron as condicións adversas do mar, xa que a cidade autónoma se atopa desde onte en alerta amarela por fortes ventos que alcanzaron refachos de ata 100 quilómetros por hora. Horas antes da chegada desta patera, sobre as 06.30 horas do domingo, a Garda Civil rescatou outra embarcación en augas de Melilla con 32 inmigrantes a bordo, que arremeteron contra os axentes do instituto armado que acudiron no seu auxilio.

A presión migratoria sobre Melilla é extrema, tanto por terra como por mar, xa que a cidade autónoma viviu nas últimas semanas varias asaltos ao valo, así como entradas en patera e en dobre fondos de vehículo e incluso no interior dunha maleta. O Centro de Estancia Temporal de Inmigrantes (CETI) vive unha situación complicada, xa que se atopa case ao triplo da súa capacidade, o que obrigou a instalar distintas tendas de campaña para dar acubillo aos últimos subsaharianos que entraron.

 

 

Novas e Actualidade


Titulares
Histórico


 ACTIVIDADES

Xuño 2019
LMMeXVSD
     12
3456789
10111213141516
17181920212223
24252627282930
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas