28 de febreiro de 2014  

Convocada a nivel de todo o Estado, o próximo día 5 os pensionistas retornados das comarcas de Soneira, Fisterra, Bergantiños ou Xallas, afectados polo cobro retroactivo de Facenda, irán ata A Coruña para manifestarse. Ao mesmo tempo pretenden facerlle entrega á delegada en Galicia da Axencia Tributaria das firmas recollidas nos últimos meses mostrando o seu rexeitamento á polémica medida do goberno do Partido Popular.