En calquera caso, e de ser así, a estratexia non está a dar demasiado resultado porque os emigrantes xa preparan unha nova manifestación para o próximo día 5. Está convocada a nivel de todo o Estado e no caso dos afectados da Costa da Morte irán ata A Coruña. O obxectivo, ademais de visibilizar o seu problema, é facerlle entrega á delegada en Galicia da Axencia Tributaria, Imelda Capote, das firmas que recolleron ao longo dos últimos meses por toda a comarca de xente que lles apoia nas súas reivindicacións.

Para acudir á cita da cidade herculina, a entidade tamén facilitará os medios de transportes. Os autobuses sairán de Cee ás 08.30 horas; de Vimianzo, ás 09.00; de Carballo ás 09.45, e da Laracha, ás 10.00 horas. Os puntos de encontro son os mesmos que as últimas veces.