Os estranxeiros afiliados á Seguridade Social sitúanse en 1.514.821 en xaneiro

(21/02/2014)

Os estranxeiros afiliados á Seguridade Social sitúanse en 1.514.821 en xaneiro

A afiliación descende este mes en 28.486 persoas, o 1,85% respecto a decembro

20 febreiro 2014

A afiliación á Seguridade Social de cidadáns estranxeiros situouse en xaneiro en 1.514.821. Esta cifra supón un descenso de 28.486 ocupados, o que equivale ao 1,85%. En termos anuais, a evolución da taxa de afiliación de persoas de procedencia estranxeira continúa sendo negativa.

A variación anual entre o colectivo rexistrou un retroceso do 5,34% fronte ao -0,04% do conxunto do Sistema. Ambos os dous indicadores continúan reflectindo a diferenza xa apuntada nos meses anteriores, no sentido de que a perda de emprego continúa afectando con maior intensidade aos traballadores estranxeiros que aos nacionais.

Andalucía e Castela-A Mancha son as comunidades que rexistran o maior incremento intermensual, con 0,98% e 0,05% respectivamente; seguidas pola Cidade Autónoma de Melilla (0,27%). No resto das Comunidades Autónomas consígnanse descensos na cifra de afiliados estranxeiros.

O balance xeral de xaneiro reflicte que do total de estranxeiros afiliados, 1.514.821, 933.452 procedían de países de fóra da Unión Europea. O resto, 581.369 persoas, de países comunitarios.

Por réximes, a maioría dos afiliados estranxeiros está encadrados no Réxime Xeral: 1.288.746 traballadores, (este dato inclúe o Sistema Especial Agrario, 196.278 ocupados e o de Fogar, 215.952); ségueo o de Autónomos, con 222.312; o Réxime Especial do Mar, 3.464 e o Carbón, 298.

Cataluña é a comunidade autónoma con maior número medio de afiliados estranxeiros con 337.457 traballadores (22,28%); seguido da Comunidade de Madrid, 327.278 (21,61%); Andalucía, 199.922 (13,20%); e a Comunidade Valenciana, 167.801 (11,08%).

Por xénero, da cifra total de 1.514.821 afiliados, 812.076 son homes e 702.744 mulleres.



Os datos de afiliados por comunidades autónomas distribúense así: