Así o explicou onte a exministra de Vivenda e agora directiva do Colexio de Rexistradores, Beatriz Corredor, que apunta ás vivendas de gama alta como as máis cobizadas. Iso si, os estranxeiros tamén tiraron proveito dunha baixada continuada no prezo das casas que xa estaría a un paso de tocar chan... ¿Ou non? Segundo os rexistradores, o prezo do metro cadrado apenas baixou un 1,2 % no 2013 fronte á caída do 13 % o ano anterior.
Con todo, os notarios (que teñen datos anticipados das operacións) elevaron o descenso ata o 8,6 % o pasado exercicio. Tamén discreparon nas compravendas rexistradas, que baixaron un 20 % para os segundos e apenas un 0,5 % para os primeiros. E sobre as hipotecas para poder comprar unha vivenda, as entidades financeiras concederon un 28 % menos de préstamos.