Nese país, a sangría maniféstase no sector clínico e hospitalario, con 15.000 vacantes. Onde hai escaseza con tinguiduras dramáticas é na categoría de médicos de familia nas zonas rurais. Aos novos titulados das universidades non lles atrae moito iniciar as súas carreiras profesionais por esas lareiras, poboados case exclusivamente por persoas maiores. Despois do horario de consulta hai que facer visitas domiciliarias e estar localizable as 24 horas do día, de luns a domingo.
Dado que non hai servizos de urxencias nesas zonas, o médico de cabeceira é o primeiro salvavidas, que despois deriva pacientes aos hospitais, ás veces situados a unha distancia de entre 30 e 50 quilómetros. Para parámetros alemáns é unha auténtica barbaridade; aquí, o máis normal do mundo. Xa que logo, os que se animen xa saben o que lles espera.