A alcaldesa Sandra González anunciou que o día 16 de febreiro realizarase un acto oficial no que participarán distintos colectivos de Goián para render homenaxe ao insigne artista.
Antonio Fernández naceu en Goián o 16 febreiro de 1882. Aos 12 anos emigra ao Brasil, onde comeza a súa formación como pintor da man do artista alemán Ernest Papf. As cidades de Santos, Río de Janeiro e São Paulo acollerán as súas primeiras exposicións. Logo asentouse en Italia e logrou a madurez. En 1929 regresou a Goián, onde desenvolveu un gran labor e viviu ata a súa morte o 20 de novembro de 1970.