Os estranxeiros afiliados á Seguridade Social sitúanse en 1.543.306 en decembro

(24/01/2014)

Os estranxeiros afiliados á Seguridade Social sitúanse en 1.543.306 en decembro

A afiliación descende este mes en 1.864 persoas, o 0,12% respecto a novembro

23 xaneiro 2014





A afiliación á Seguridade Social de cidadáns estranxeiros situouse en decembro en 1.543.306. Esta cifra supón un descenso de 1.864 ocupados, o que equivale ao 0,12%. En termos anuais, a evolución da taxa de afiliación de persoas de procedencia estranxeira continúa sendo negativa.

A variación anual entre o colectivo rexistrou un retroceso do 6,23% fronte ao -0,52% do conxunto do Sistema. Ambos os dous indicadores revelan que se amplía a diferenza xa apuntada nos meses anteriores, no sentido de que a perda de emprego continúa afectando con maior intensidade aos traballadores estranxeiros que aos nacionais.

Andalucía e Castela-A Mancha son as comunidades que rexistran o maior incremento intermensual, con 6,69% e 2,72% respectivamente; seguidas pola Comunidade Valenciana (0,21%). No resto das Comunidades Autónomas consígnanse descensos na cifra de afiliados estranxeiros.

O balance xeral de decembro reflicte que do total de estranxeiros afiliados, 1.543.306, 956.138 procedían de países de fóra da Unión Europea. O resto, 587.168 persoas, de países comunitarios.

Por réximes, a maioría dos afiliados estranxeiros está encadrados no Réxime Xeral: 902.644 traballadores, (este dato inclúe o Sistema Especial Agrario, 194.115 ocupados e o de Fogar, 218.781); ségueo o de Autónomos, con 223.978; o Réxime Especial do Mar, 3.487.

Cataluña é a comunidade autónoma con maior número medio de afiliados estranxeiros con 345.697 traballadores (22,40%); seguido da Comunidade de Madrid, 334.076 (21,65%); Andalucía, 197.991 (12,83%); e a Comunidade Valenciana, 173.690 (11,25%).

Por xénero, da cifra total de 1.543.306 afiliados, 826.365 son homes e 716.941 mulleres.



Os datos de afiliados por comunidades autónomas distribúense así: