Segundo explicou onte o portavoz de Aeru, Celso Domínguez, o encontro tamén servirá para informar ás 44 persoas que forman o colectivo do contido da reunión mantida na sede da Xunta en Santiago o pasado 10 de xaneiro. Ese día foron recibidos por responsables da Consellería de Facenda e da Axencia Tributaria en Galicia, a quen expuxeron as súas reivindicacións. «O que nos dixeron é que entenden as nosas queixas, pero nos deixaron claro que a Xunta non ten compentencias -sinalou Domínguez Búa-. Quedaron en transmitirlle a Madrid as nosas demandas».

A principal reclamación da asociación de emigrantes retornados da comarca de Caldas é que o Goberno central anule as sancións impostas aos pensionistas no estranxeiro: «O prioritario é que se anulen as sancións porque nós non nos negamos a pagar, pero somos xente traballadora».

Tamén piden que se aclaren os trámites e o proceder nos distintos países europeos. «Non sabemos por qué Alemaña é diferente a Suiza -dixo Celso Domínguez-. Agora mesmo en Alemaña devolven a multa pero aplican un imposto sobre a paga», apuntou. «Na reunión tamén enteráronse dos casos que hai, como o dunha persoa que non é da nosa asociación, senón da Costa da Morte, que xa pagou desde o 2008 41.000 euros e que ten unha invalidez do 100 %», apuntou o portavoz de Aeru.