Ourense. O retorno da inmigración pola crise reduciu o censo de estranxeiros nun 3%

(20/01/2014)

O retorno da inmigración pola crise reduciu o censo de estranxeiros nun 3%

18.01.2014 | Faro de Vigo

O retorno de inmgrantes ao seu país de orixe ou a busca de oportunidades noutro destino con máis oportunidades que as que ofrece Ourense provocou unha caída do 3% no censo de estranxeiros con respecto a 2012 e unha perda de 529 residentes. Con todo, neste colectivo o grupo de menores de 16 anos é maior que o de xubilados, con 1.821 fronte a 1.057. O número de activos ascende a 13.539.

Así mesmo, a maior parte dos estranxeiros que residen na provincia procede maioritariamente de Portugal, Brasil e Romanía, se ben o 41% dos 16.417 inmigrantes empadroados teñen nacionalidade lusa, concretamente, 6.755. O segundo país que máis estranxeiros trouxo a Ourense é Brasil, con 1.284 residentes, seguido de Romanía, con 1.271. Marrocos, Senegal, Alxeria e Nixeria son os países africanos con maior presenza no padrón.

Entre as principais nacionalidades representadas destacan tamén a colombiana, con 928 empadroados; a dominicana, con 782; e a venezolana, con 680.