GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A poboación empadroada en Galicia cae un 0,56% e situábase en 2.765.940 persoas a 1 de xaneiro de 2013

(20/01/2014)

A poboación empadroada en Galicia cae un 0,56% e situábase en 2.765.940 persoas a 1 de xaneiro de 2013

Redacción, Santiago | 17 Xaneiro 2014 - Crónicas da Emigración

A poboación empadroada en Galicia situábase a 1 de xaneiro de 2013 en 2.765.940 persoas, 15.558 menos que hai un ano, o que sitúa a baixada deste índice no 0,56%, segundo os datos do Padrón difundidos este venres polo Instituto Nacional de Estatística (INE).

Neste sentido, en Galicia estaban empadroados a 1 de xaneiro do pasado ano 2.655.978 españois, un 0,5% menos que hai un ano; e 109.962 estranxeiros, un 1,98% menos que o 1 de xaneiro de 2012. Por sexos, a poboación galega rexistra 1.430.818 mulleres e 1.335.122 homes.

Tendo en conta os grupos de idade, en Galicia están empadroadas 935.621 persoas de entre 20 e 45 anos, 755.053 persoas de entre 45 e 65 anos, 640.263 persoas de máis de 65 anos e 435.003 persoas de menos de 20 anos. O grupo de idade con máis habitantes, 228.494 persoas, é o de entre 35 e 39 anos.

Estranxeiros

En Galicia estaban empadroados ao inicio de 2013 un total de 109.962 estranxeiros, dos que 55.389 eran homes e 54.573 eran mulleres. Deles, 39.408 residen en Pontevedra, 39.373 na Coruña, 16.417 en Ourense e 14.764 en Lugo.

Na distribución por provincias, 1.138.161 persoas están empadroadas na Coruña, un 0,5% menos que o ano anterior. En Lugo, pola súa banda, o padrón descendeu un 0,83%, ata as 346.005 persoas; en Pontevedra caeu un 0,35%, ata as 955.050 persoas; e en Ourense están empadroadas 326.724 persoas, un 1,07% menos que ao inicio de 2012.

Por lugar de orixe, 45.900 estranxeiros residentes en Galicia proveñen de Europa, a maior parte de Portugal -19.885-. Así mesmo, 12.347 son orixinarios de África, onde a nacionalidade máis representada é Marrocos, con 6.058 empadroados en Galicia. En Galicia estaban empadroados a 1 de xaneiro de 2013 un total de 47.265 persoas orixinarias de América, entre os que destacan 9.624 brasileiros, 7.366 colombianos e 4.440 dominicanos. Finalmente, 4.333 empadroados en Galicia proceden de países asiáticos e 117 de países de Oceanía.

 

 

Novas e Actualidade


Titulares
Histórico


 ACTIVIDADES

Abril 2019
LMMeXVSD
1234567
891011121314
15161718192021
22232425262728
2930     
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas