15 de xaneiro de 2014 

Tras tomar parte na última concentración reivindicativa, celebrada o pasado 16 de decembro no Carballiño, os directivos da Plataforma de Emigrantes Retornados do Deza ten previsto manter unha reunión para concretar a nova rolda de reunións informativas que desenvolverá pola comarca. A acción atende, segundo Rafael Verde, á inminente chegada de «cartas a preto de 30.000 emigrantes galegos por parte de Facenda nas que se lles notificará a súa obriga de pagar unhas sumas demasiado elevadas ás que, en moitos casos, non poden facer fronte. A chegada de misivas non rematou co peche do ano 2013 senón que a previsión é que continúe». Verde insiste en que non se trata dun colectivo de defraudadores. «Só foron mal informados e só queren saír dá situación. Desexan cumprir coa lei pero lles supón en moitas ocasións facer fronte a contías que non poden satisfacer xa que, en moitos casos, están axudando á familia coas súas pensións de fóra e son quenes manteñen á boia a economía familiar».