(07/01/2014)
O Centro Galego e o Centro Galicia de Bos Aires celebran o 64º aniversario do falecemento de Castelao
Redacción, Bos Aires | 07 Xaneiro 2014 - Crónicas da Emigración
O Centro Galego de Bos Aires e o Centro Galicia de Bos Aires celebra este martes, día 7, unha homenaxe a Alfonso Daniel Manuel Rodríguez Castelao no 64º aniversario do seu falecemento. O acto terá lugar no vestíbulo de entrada do Centro a partir das 18:00 horas.
Ao acto acudirán autoridades do Centro Galego e do Centro Galicia, os cales dirán unhas palabras. Actuarán o Coro Polifónico do Centro Galego, o Conxunto de Gaitas do Centro Galicia e o Grupo de Danza do Centro Galicia. Como é habitual durante todos estes anos, tamén se realizará unha ofrenda floral.
Os organizadores enviaron un convite ao acto cunha das frases deste lendario galeguista: "O verdadeiro heroísmo consiste en trocar os anceios en realidades, ás ideias en feitos,".
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas