Día Internacional do Migrante

(18/12/2013)

Día Internacional do Migrante
18 de decembro






A migración internacional creceu de xeito notable dende o comezo deste século e calcúlase que na actualidade uns 232 millóns de persoas buscan en países distintos ao seu novas oportunidades de mellorar a súa vida e desenvolver os seus coñecementos. Arredor da metade dese colectivo son mulleres.

No Diálogo de Alto Nivel Dedicado á Migración Internacional e o Desenvolvemento, en outubro de 2013, os Estados membros adoptaron por unanimidade unha Declaración   na que recoñecen a contribución importante da migración ao desenvolvemento e chaman a unha cooperación máis ampla para afrontar os retos da migración irregular e facilitar un fluxo de persoas seguro, ordenado e regular. A Declaración tamén resalta a necesidade de respectar os dereitos humanos dos emigrantes e de promover as normas internacionais de traballo. Ademais, condena de xeito firme as manifestacións racistas e intolerantes e resalta a necesidade de mellorar a percepción pública sobre os emigrantes e a migración

No seu informe á Asemblea Xeral en outubro de 2013, o Secretario Xeral expuxo un ambicioso plan de oito puntos para lograr «que a migración beneficie» a todos: aos emigrantes, ás sociedades de orixe e tamén ás de destino. «A migración é unha expresión da aspiración humana pola dignidade, a seguridade e un futuro mellor. É parte do tecido social, da nosa condición como unha familia humana,» manifestou o Secretario Xeral nas súas observacións.

O 4 de decembro de 2000 a Asemblea Xeral, ante o aumento dos fluxos migratorios no mundo, proclamou o Día Internacional do Migrante (resolución 55/93 ). Dez anos atrás, nese mesmo día en 1990, a Asemblea xa adoptara a Convención internacional sobre a protección dos dereitos de todos os traballadores migratorios e dos seus familiares (resolución 45/158 ).

Os Estados Membros da ONU, así como organizacións intergobernamentais e non-gobernamentais, celebran este Día Internacional difundindo información sobre os dereitos humanos e liberdades fundamentais dos emigrantes, o resultado das súas experiencias e novas medidas que poden implementarse para protexelos.

Actúa con #SoyunMigrante

No Día Internacional do Migrante cidadáns de todo o mundo poden participar por Internet das seguintes formas:

A partir do 13 de decembro comparte fotos e videos ligados ás túas historias persoais acerca de como os emigrantes contribuíron de forma positiva ás comunidades e ás economías a nivel mundial. Podes sumarte á conversación en Facebook e Twitter usando #SoyunMigrante. Entre o 13 e o 18 de decembro as túas fotos e historias presentaranse na páxina de Storify de la ONU .. Explora as numerosas voces de emigrantes na páxina multimedia .

Comparte estes atractivos materiais de promoción do Día Internacional do Migrante coas túas redes!