(16/12/2013)
Miranda visita os centros galegos da Comunidade de Madrid
Redacción, Madrid | 13 Decembro 2013 - Crónicas da Emigración
A punto de cumprir o seu primeiro ano no posto, o secretario xeral de Emigración, Antonio Rodríguez Miranda, completa o percorrido polas Comunidades Autónomas que contan cun maior número de emigrantes galegos cunha visita aos centros e casas das cidades da periferia de Madrid, e da propia capital, se ben xa noutras ocasións visitara algunhas destas entidades.
En primeiro lugar, asiste este venres pola noite ao tradicional concerto benéfico organizado polo Club de Xornalistas Galegos en Madrid, e no que participan os centros da diáspora en Alcalá de Henares, Villalba de Madrid, Móstoles, Alcobendas, ademais da propia cidade de Madrid, no Centro Cultural Eduardo Úrculo. Trátase dun evento anual solidario, unha proba máis da capacidade e vontade de integración dos galegos na capital española.
Rodríguez Miranda aproveitará despois a súa estanza para coñecer fisicamente as sedes das comunidades galegas nas cidades da periferia madrileña, e saudar persoalmente os socios dos centros de Móstoles e Alcobendas, ademais do de Fuenlabrada, antes de regresar a Galicia.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas