Morre aos 94 anos Olga Negreira González, unha das máis activas galeguistas na Habana

(02/12/2013)

Morre aos 94 anos Olga Negreira González, unha das máis activas galeguistas na Habana

Feliberto Carrié, A Habana | 29 Novembro 2013 - Crónicas da Emigración



Olga Negreira.

Nacida na Habana e criada en Ourense, Olga Negreira González, unha das máis activas galeguistas dos nosos tempos, faleceu recentemente na capital cubana. Dende moi pronto xa pertencía ao Centro Galego da Habana, a Unión Ourensá e outras asociacións galaicas. Filla de pai coruñés e nai ourensá, colaborou sen pedir nada a cambio non só coa colonia galega da Habana, senón con todo o hispano da illa.

Foi a primeira profesora de lingua galega con que contaron naturais e descendentes de galegos da Habana. Motor impulsor da Comisión Xestora do novo Centro Unión Ourensá da Habana en 1995 xunto ao tamén desaparecido Manuel Docampo e outros naturais e fillos de ourensán que con sentido de pertenza colaboraron coas federacións galegas e españolas.

A súa irreparable perda física deixa un baleiro en toda a colonia española da maior da Antillas.