(28/11/2013)
A Plataforma de Emigrantes Retornados da Estrada celebrou onte unha nova concentración ante a delegación estradense da Axencia Tributaria. A participación algo máis escasa que en convocatorias pasadas, pero os concentrados defenderon con igual celo a súa oposición ás multas e atrasos aos emigrantes que non declararon as pensións do estranxeiro. Entre os concentrados estivo o alcalde de Cerdedo, José Balseiros, que escoitou os argumentos e as ejemplificaciones de varios afectados.
Segundo explicou a portavoz da coordinadora, Ana Rodríguez, o colectivo está satisfeito co eco nos medios de comunicación e coa concienciación social do problema. Considera que a materia pendente é a acción política. A pesar das entrevistas con representantes políticos e da Axencia Tributaria «de momento seguen chegando sancións», segundo afirmou Ana Rodríguez.
A próxima concentración local estaba prevista para o día 11 de decembro. No entanto, a próxima semana celebrarase unha reunión da coordinadora galega na que se definirá a liña de acción a seguir a partir de agora e decidirase se se manteñen as concentracións locais ou se opta por mobilizacións a nivel autonómico.
Antes de Nadal está previsto facer entrega ademais de todas as firmas de apoio reunidas en Galicia. A plataforma local xa recolleu na comarca máis de 2.000.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas