(22/11/2013)
Case 20.000 persoas emigraron de España a Alemaña na primeira metade de 2013
lainformacion.com
xoves, 21/11/13 -
Berlín, 21 novembro (EFE).- Un total de 19.057 persoas emigraron de España a Alemaña durante os primeiros seis meses de 2013, segundo os datos dados a coñecer hoxe pola Oficina Federal de Estatística alemá (Destatis).
Berlín, 21 novembro (EFE).- Un total de 19.057 persoas emigraron de España a Alemaña durante os primeiros seis meses de 2013, segundo os datos dados a coñecer hoxe pola Oficina Federal de Estatística alemá (Destatis).
As estatísticas indican un sostemento do incremento de inmigrantes provenientes de España de xaneiro a xuño, o cal supón un aumento do 29,9% con respecto ao mesmo período do ano 2012.
En total, Alemaña recibiu durante estes meses ao redor de 555.000 persoas, o cal constitúe un incremento de 55.000 persoas, ou un 11%, respecto ao ano pasado.
A maioría dos inmigrantes que se instalaron durante este período en Alemaña -334.000 persoas- procederon dos Estados da Unión Europa, principalmente de países de Europa do leste, con Polonia (93.000 emigrantes), Romanía (67.000) e Bulgaría (29.000) como os principais emisores de emigración cara a Alemaña.
Entre os principais países azoutados pola crise económica, o número de italianos chegados a Alemaña creceu nun 38,5%, con 27.895 inmigrantes, e os orixinarios de Portugal aumentaron un 23,7%, con 7.612, mentres que a emigración dende Grecia experimentou un retroceso do 5,2%, con 15.718 persoas.
Entre os países europeos non pertencentes á UE tamén subiu o número de inmigrantes nun 21%.
O número de cidadáns africanos instalados en Alemaña ascendeu un 38%, os provenientes de América incrementáronse nun 2% e os asiáticos nun 14%.
Especialmente notable é a suba experimentada na inmigración procedente de Sirya, cun crecemento do 178% e 6.000 persoas; Rusia cun 27% máis (16.000) e Somalia, dende onde 1.000 persoas emigraron a Alemaña, o que significou un aumento do 143%.
Non obstante, 349.000 persoas abandonaron Alemaña na primeira metade de 2013, das cales 288.000 eran estranxeiros, o cal supón tamén un aumento do 12% con respecto a 2012 no total da xente que decide deixar o territorio alemán.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas