Un centenar de afectados pola reclamación dun tributo das pensións que os emigrantes retornados cobran do estranxeiro concentráronse esta mañá ante a Axencia Tributaria de Vilagarcía. Os manifestantes entregaron un escrito en Facenda no que reclaman, entre outras cuestións, que se paralicen os cobros, sobre os que non foron informados, e que se devolva o diñeiro recadado polas sancións. Consideran un «roubo» que se lles esixa o pagamento de impostos polas súas pensións con efecto retroactivo, desde o ano 2008, cando antes non se lles informou dese cambio.