Emigrantes retornados da Costa da Morte maniféstanse hoxe martes, día 29, en Madrid e Cee, para protestar contras as resolucións de Facenda nas que lles impoñen sancións por non declarar determinados ingresos nos últimos anos, unha obrigación da que aseguran que non foron informados. Ao redor das 23.00 horas de onte, cincuenta persoas saíron nun autocar desde A Laracha, Carballo, Vimianzo, e tamén recolleron a un grupo en Coirós. Baixo a organización da plataforma Costa da Morte, e xunto a outras de Galicia e España, concéntrase sobre as 9.00 horas na Porta do Sol madrileña, e protestan despois fronte ao Congreso dos Deputados. Por outra banda, a Coordinadora Nacional Galega de Emigrantes Retornados convocou para hoxe, ás 11.00 unha concentración diante da delegación da Axencia Tributaria de Cee para protestar contra a decisión da entidade de esixir aos emigrantes o pagamento atrasado entre o 2008 e o 2012 do imposto sobre a renda das pensións que reciben desde os países nos que estiveron a traballar. «Unhas cantidades que se incrementan con xuros de demora e máis sancións», engaden desde a Coordinadora