Concentración en Tui en protesta polo expolio das pensións a emigrantes

(28/10/2013)

Concentración en Tui en protesta polo expolio das pensións a emigrantes

e. g. n tui 27.10.2013 | Faro de Vigo

A plataforma de emigrantes retornados do Baixo Miño convoca unha concentración en Tui en protesta polo expolio das súas pensións. Terá lugar o vindeiro martes, día 29, ás 11 horas, na Praza de San Fernando, ante a oficina da Axencia Tributaria. Durante a concentración entregarase unha carta nas dependencias da Axencia solicitando que cesen as medidas contra os pensionistas que traballaron na emigración.

A pretensión do colectivo é manifestar a inxustiza coa que están sendo tratados. Desde fai meses, sen previo aviso, o Ministerio de Facenda obrígalles a facer unha declaración dos últimos anos, sancionándolles con elevadas multas e intereses de demora.