(23/10/2013)
A cifra de inmigrantes españois en Alemaña subiu un 9 por cento en 2012
lainformacion.com
martes, 22/10/13 -
A cifra de inmigrantes españois en Alemaña subiu un 9 por cento en 2012
Berlín, 22 outubro (EFE).- A cifra de españois inscritos no Rexistro nacional de estranxeiros en Alemaña aumentou en 2012 un 9,1% respecto ao exercicio anterior (10.038 cidadáns máis), segundo os datos feitos públicos hoxe pola Oficina Federal de Estatística (Destatis).
O rexistro contabiliza en total 7,2 millóns de estranxeiros (120.231 españois), o que supón 282.800 máis que en 2011 e un incremento do 4,1%, o máis elevado dende 1993.
Segundo detalla Destatis, o incremento de inmigrantes de orixe española supera ao doutros países tamén afectados pola crise do euro, como Grecia (5,1%) ou Italia (1,8%), aínda que se sitúa moi por debaixo dos países do Leste.
O 80% dos "novos" estranxeiros en Alemaña procede de países da Unión Europea, principalmente do Leste.
En termos absolutos, destaca o caso de Polonia -107.310 polacos rexistráronse en 2012 en Alemaña-, aínda que Destatis subliña o incremento porcentual dos húngaros (29,8% máis rexistrados que en 2011), romaneses (28,8%) e búlgaros (26,5%).
De países non europeos, as maiores subas corresponden a Siria, India e Rusia.
A turca segue sendo a principal nacionalidade dos residentes estranxeiros en Alemaña -1,5 millóns-, aínda que nos últimos anos esa cifra se vai reducindo pouco a pouco debido, sobre todo, á adopción destes cidadáns da nacionalidade alemá.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas