Esixen solución para as rendas no estranxeiro

(16/10/2013)

Esixen solución para as rendas no estranxeiro

Cincocentos pensionistas galegos manifestáronse en Santiago

 

A asociación AERU levou onte as súas reivindicacións ata o Parlamento de Galicia en Santiago. cedida

 

A Asociación de Emigrantes Retornados de Ulla-Umia (AERU) desprazouse onte a Santiago para levar as súas reivindicacións ao Parlamento de Galicia aproveitando o debate sobre o estado da autonomía. Desde o exterior e baixo a choiva, os concentrados recibiron o apoio do alcalde de Caldas, Juan Manuel Rey , e doutras plataformas da comunidade, ata sumar 500 persoas. Os afectados esixen o peche de oficio dos expedientes sancionadores abertos e que se devolvan os intereses e as sancións xa pagas.