A inmigración convertida en arte

(14/10/2013)

A inmigración convertida en arte

"Pequena Gran Compañía" ofrece en Cangas un espectáculo de música, danza e imaxe

redacción | cangas 12.10.2013 | Faro de Vigo

Unha actuación de Pequena Gran Compañía.

 

O Auditorio de Cangas acolle o espectáculo da Pequena Gran Compañía, integrada por un arxentino, un cubano, unha galega e unha inglesa que ofrecerán un espectáculo das diferentes ramas da arte vista por inmigrantes

Sergio Ariel é arxentino e forma parte da Pequena Gran Compañía que hoxe ofrece no Auditorio de Cangas, ás 20.30 horas, un espectáculo de explosión artística de inmigrantes baixo o título, precisamente, de "Inmigrante". Aries, que é compositor e é codirector, guitarra e canto neste espectáculo, asegura que a primeira intención da compañía foi xuntar todas as ramas posibles da arte (danza, música, poesía, imaxe...) en torno a un espectáculo no que se adoita invitar a un artista local do propio lugar onde se vaia a representar. O obxectivo é demostrar a influencia de Galicia á xente que veu aquí desde fóra e viceversa. En cada espectáculo prepárase unha canción distinta e tócanse todas as formas musicais posibles cun fondo de audiovisuales.

Na compañía participan a galega Natalia Igrexas (danza), que reside en Canas; a inglesa Pata Lesa, que non está confirmada a súa actuación hoxe; o propio Sergio Aries e o cubano Amor Herrera. No espectáculo de hoxe, de aproximadamente unha hora de duración, está prevista a participación como invitada da artista local Diana Tarín.

Ariel, cuxo pai é galego de Ribadumia e que xa leva en Galicia desde fai 11 anos, recoñece que Bos Aires, onde se criou, e estas terras son moi parecidas, sobre todo pola cantidade de galegos que viven alá. No seu caso desde pequeno sempre lle falaron en galego e por iso a súa adaptación aquí foi fácil. Si ten que marcar algunha diferenza entre ambos países "é que alá non hai tantas festas durante todo o ano. Artísticamente, aquí cántase máis inglés e alá máis en castelán".