Tras este primeiro paso, haberá novos encontros. Un será o día 18 en Ordes e outro o día 21 en Oroso. Á cita de Trazo acudiu a deputada autonómica Carmen Gallego, que informou sobre as multas e os intereses que Facenda reclama aos pensionistas que cobran parte da súa xubilación doutro país.

A plataforma vaise constituír formalmente na reunión de Oroso, aínda que no encontro desta semana xa quedaron elixidos tres representantes. O PSOE de Trazo invita todos os afectados a integrarse na plataforma. «Non se trata de cuestións políticas, senón de defender os seus dereitos», sinala Beatriz Domínguez, concelleira socialista en Trazo.