GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Marina del Corral di que a atención ás necesidades básicas de emigrantes e retornados está garantida

(11/10/2013)

Marina del Corral di que a atención ás necesidades básicas de emigrantes e retornados está garantida

Redacción, Madrid | 09 Outubro 2013 - Cronicas de la Emigración

Marina del Corral presentó el proyecto de presupuestos en la Comisión de Empleo del Congreso.

 

Marina del Corral presentou o proxecto de presupostos na Comisión de Empleo do Congreso.

A secretaria xeral de Inmigración e Emigración, Marina del Corral, presentou o pasado luns na Comisión de Emprego e Seguridade Social do Congreso o proxecto de Presupostos para 2014 na área de Inmigración e Emigración, que ascende a 139.884.840 euros.

Marina del Corral destacou que este presuposto reflicte a firme vontade do Goberno de garantir as necesidades básicas dos emigrantes españois e retornados, de manter a actuación humanitaria a favor de inmigrantes e refuxiados, de favorecer a integración dos inmigrantes na sociedade española e de continuar desenvolvendo as actuacións cofinanciadas por fondos europeos.

As accións a favor dos emigrantes contarán en 2014 cunha dotación de 75,17 millóns de euros. Esta contía inclúe como partidas de maior relevancia a destinada ás prestacións por razón de necesidade para os españois residentes no exterior que teñan máis de 65 anos de idade ou estean incapacitados para o traballo e se atopen nunha situación de necesidade por carecer de rendas ou ingresos dabondo para cubrir as súas necesidades básicas. Este concepto recibe unha dotación de 60 millóns de euros.

Así mesmo, inclúe a destinada ao pagamento de pensións de ancianidade para os españois que retornen a España de calquera país onde estea implantada esta prestación por razón de necesidade e acrediten insuficiencia de recursos, ata que teñan dereito a unha pensión non contributiva do sistema español da Seguridade Social. A dotación destas axudas é de 1,85 millóns de euros.

O programa de accións a favor dos emigrantes comprende tamén as prestacións económicas que se conceden aos cidadáns españois desprazados ao estranxeiro cando eran nenos a consecuencia da Guerra Civil, cun crédito para 2014 de 8,9 millóns de euros, que engloba tanto os que permanecen no exterior coma os que regresaron a España. Para o 2014, o presuposto considera unha suba da contía destas prestacións do 0,25%.

A secretaria xeral de Inmigración e Emigración, Marina del Corral, destacou que este presuposto garante que non existe baixada ningunha no nivel de cobertura respecto a anos anteriores.

En resposta á pregunta dun dos grupos parlamentarios, deu información sobre o programa de subvencións, convocado recentemente, que ten como finalidade favorecer a integración social e laboral dos mozos españois residentes no exterior. Para iso, engadiu, "o pasado 14 de setembro realizouse unha convocatoria de subvencións por un importe de 2.400.000 euros, coa que pretendemos que os mozos que residen fóra do noso país encontren o apoio da administración española,".

Españois no exterior

O presuposto destinado á Emigración ten unha dotación de 75,17 millóns de euros, 1,5 millóns menos que en 2013 ante o descenso no número de beneficiarios, é dicir, de españois que viven no exterior e dos retornados.

Neste sentido, sostén que a dotación destinada para as prestacións por razón de necesidade ascenden a 60 millóns de euros, 750.000 euros menos que en 2013, onde se recolle a prestación económica por ancianidade, incapacidade, e prestación de asistencia sanitario nos países de residencia cando carecen da cobertura desta continxencia ou esta se considera insuficiente.

Aquí encontraríanse as prestacións dirixidas aos cidadáns españois desprazados ao estranxeiro cando eran nenos a consecuencia da Guerra Civil, cun crédito de 8,9 millóns de euros que engloba os españois que permanecen no exterior, como aos que regresaron a España; unha redución acorde co descenso do número de beneficiarios que en 2010 eran 2.254, mentres que no terceiro trimestre do 2013 é de 1.764 persoas.

Accións a favor dos inmigrantes

As accións a favor dos inmigrantes contan cunha dotación de 61,66 millóns de euros para 2014. Esta contía inclúe como partidas de maior relevancia as dedicadas a subvencionar en réxime de concorrencia competitiva actuacións de entidades e ONG, na área de integración dos inmigrantes, solicitantes de asilo e outras persoas con protección internacional, dotadas cun crédito de 11,42 millóns de euros; o mantemento dos sistemas de protección a favor dos refuxiados, solicitantes de asilo e beneficiarios de protección internacional, con 9 millóns de euros; a atención humanitaria a inmigrantes conta con 6,15 millóns de euros.

"Este programa é prioritario dentro das actuacións en materia migratoria", expresou a secretaria xeneral de Inmigración e Emigración, polo que "pese aos recortes presupostarios, a dotación mantívose inalterable nos tres presupostos que me correspondeu preparar", así como o mantemento dos recursos para o funcionamento dos dous Centros de Estanza Temporal de Inmigrantes (CETI) e os catro Centros de Acollida a Refuxiados (CAR), cunha partida de 12 millóns de euros.

Tamén se considera a protección e o amparo aos menores estranxeiros non acompañados, cunha partida de 3,44 millóns de euros; a subvención a Cruz Vermella Española para a atención humanitaria urxente a pé de praia a estranxeiros chegados ás costas españolas, que se mantén inalterable respecto a 2013 con case 2 millóns de euros; a subvención a ACNUR (Alto Comisionado das Nacións Unidas para os Refuxiados) cunha dotación de 100.000 euros, destinados a programas especiais de inmigrantes e refuxiados; e as axudas para facilitar o retorno voluntario dos inmigrantes aos seus países de orixe, con 2,4 millóns de euros e a ordenación de fluxos migratorios laborais que conta cunha dotación de 0,9 millóns de euros.

Este programa contará, ademais, coas provisións, cifradas en torno a 35 millóns de euros, dos Fondos Europeos para as actuacións de carácter cofinanciado, que no seu caso elevarían a contía total para 2014 na área de inmigración a 96,66 millóns de euros.

A secretaria xeral destacou os esforzos realizados para que os axustes realizados en anos anteriores repercutan na menor medida posible en partidas presupostarias que reciben cofinanciamento da Unión Europea. Iso, xunto á eficacia e eficiencia na xestión dos fondos europeos recibidos, repercutiu clara e positivamente no nivel de acceso destes programas ao financiamento comunitario.

En conclusión, a secretaria xeral de Inmigración e Emigración, Marina del Corral, asegurou que o presuposto para 2014 é "responsable, comprometido e solidario cos emigrantes e cos inmigrantes, e pon de manifesto que malia a situación económica, o Executivo segue considerando prioritarias as políticas migratorias dentro da súa acción de Goberno".

Naufraxio de Lampedusa

A secretaria xeral de Inmigración e Emigración lamentou o naufraxio acontecido o pasado día 3 fronte á illa italiana de Lampedusa, onde preto de 300 persoas terían perdido a vida, segundo datos do Goberno napolitano, cuxo labor foi enxalzada pola secretaria, así como a axuda achegada pola Comisión Europea, durante a súa comparecencia no Congreso para informar sobre os Presupostos para 2014.

"A Comisión non quere virar as costas ao problema. É unha cuestión difícil de xestionar que se vive constantemente en España: persoas animadas por mafias, que non fan máis que obter un beneficio niso e os meten nun barco en condicións moi precarias para que cheguen ás costas europeas. Son situacións desesperadas que levan a persoas a acollerse a situacións desesperadas", relatou tras detallar as contas do seu departamento.

No caso español, subliñou que unha vez que estas persoas alcanzan o territorio se lles intentan dar as maiores oportunidades. Iso si, recoñeceu que os Centros de Estanza Temporal de Inmigrantes (CETI) teñen a súa capacidade "desbordada", en concreto en Melilla que conta cunha "sobresaturación do 40 por cento que non é puntual, senón que estase a consolidar", para o que se prevén unhas obras de readaptación do centro.

 

 

 

 
 

 

 

Novas e Actualidade


Titulares
Histórico


 ACTIVIDADES

Abril 2019
LMMeXVSD
1234567
891011121314
15161718192021
22232425262728
2930     
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas