A concelleira de Benestar Social e Igualdade de Lugo, Ana González Abelleira, entregou os diplomas aos sete asistentes ao curso de integración dirixido a inmigrantes extracomunitarios. A novidosa acción formativa formou parte do programa de animación sociocultural do segundo semestre do 2013, co obxectivo de que persoas estranxeiras puidesen obter un informe positivo de esforzo de integración emitido pola Secretaría Xeral de Emigración da Xunta. O documentado pode ser presentado nos supostos de renovación de autorizacións, entre outros. O curso realizouse no centro social da Milagrosa entre xaneiro e xuño, cunha duración total de 60 horas. Entre outros contidos, explicaronse valores constitucionais de España, valores estatutarios da comunidade autónoma de Galicia, valores da UE, dereitos humáns, liberdades públicas, democracia, tolerancia, igualdade entre homes e mulleres ou coñecemento das linguas oficiais da comunidade autónoma.