GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Montoro asegura que Facenda estuda de forma "individual" os expedientes dos pensionistas retornados

(27/09/2013)

Montoro asegura que Facenda estuda de forma "individual" os expedientes dos pensionistas retornados

Redacción, Madrid | 25 Setembro 2013 - Cronicas de la Emigración

O ministro de Facenda e Administracións Públicas, Cristóbal Montoro, subliñou este mércores que a Axencia Tributaria estuda de forma "individual" cada un dos expedientes dos pensionistas emigrantes retornados para, sobre a base das "circunstancias persoais de cada un", abordar as "diferentes posibilidades de pagamento".

Na sesión de control ao Goberno no Congreso, Montoro respondeu así a unha pregunta do deputado socialista Antonio Hurtado, que se queixou da reclamación que Facenda fai agora a estes emigrantes retornados pola tributación que esixe das súas pensións, mentres creou unha "amnistía para grandes defraudadores".

"En España non se fixo ningunha lei para cubrir defraudadores fiscais e a única amnistía fiscal que se fixo, ocultando a identidade dos que se acolleron, foi a do PSOE en 1991", comezou dicindo Montoro, quen admitiu que hai un gran número de persoas maiores que se puideron confundir por descoñecemento da lei, "o que non lle exime en modo ningún do seu cumprimento".

Como fixera este mércores no Senado, o responsable de Facenda dixo que a "vontade" da Axencia Tributaria é "facilitar" o pagamento da cantidade tributaria ás persoas que, "na súa gran maioría por descoñecemento", non o fixeron.

Pola súa banda, Hurtado acusou a Montoro de cambiar a lei para regularizar a situación de "grandes defraudadores, entre outros, o señor Bárcenas", pero non para "rematar co sufrimento de centos de miles emigrantes retornados acosados polo fisco".

Tras recordar que foi a Axencia Tributaria a que informou eses pensionistas de que "non" tiñan que tributar no IRPF", mostrou un gráfico no que se recolle como os emigrantes retornados se enfrontan a intereses de demora, recargas ou sancións, o que non se aplicou aos amnistiados.

O deputado socialista incidiu en que mentres o capital dos amnistiados "non" retornou a España, o dos retornados se segue consumindo" e sinalou que estes pensionistas "non" queren ser amnistiados senón simplemente que non se lles trate como defraudadores". "Non" se pode permitir "que sexan acosados con puño de aceiro e para os amnistiados, luva branca e de seda," concluíu.

 

 

Novas e Actualidade


Titulares
Histórico


 ACTIVIDADES

Xuño 2019
LMMeXVSD
     12
3456789
10111213141516
17181920212223
24252627282930
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas