A plataforma de emigrantes retornados reúnese o martes na casa de cultura grovense

(23/09/2013)

A plataforma de emigrantes retornados reúnese o martes na casa de cultura grovense

 

Os afectados xa protagonizaron algunha protesta en Arousa. m.i.

 

A plataforma de emigrantes retornados do Salnés convocou, para o martes día 24, unha asemblea informativa no Grove. A mesma dará comezo ás oito e media da tarde na casa de cultura da localidade. Alí informarase das diferentes situacións e denunciaranse os expedientes iniciados pola Axencia Tributaria contra este colectivo.

Na asemblea tomarán a palabra José Antonio Otero, emigrantes afectado do Grove, Xosé Lois Leiros, responsable da plataforma, e Montse Prado, deputada do BNG no Parlamento.

O colectivo anima a acudir a esta cita a todas as persoas que sexan emigrantes, que estean de retorno en Galicia, que teñan idade de xubilarse e que perciban pensións de estados estranxeiros, co fin de informarse da situación. Sosteñen que son moitos os veciños desta localidade que se verán afectadas polos requirimentos de Facenda.