A asociación 'Rosalía de Castro' de Cornellá convoca os seus certames literarios

(23/09/2013)

A asociación 'Rosalía de Castro' de Cornellá convoca os seus certames literarios

Redacción, Barcelona | 20 Setembro 2013 - Cronicas de la Emigración

A asociación cultural galega 'Rosalía de Castro' de Cornellá convoca o seu XXVII Certame Literario Rosalía de Castro de poesía e o X Certame de Narrativa Rosa Reboredo.

Os poemas, que teñen que presentarse antes do 15 de outubro, deberán estar escritos en galego e ter un mínimo de 30 versos e un máximo de 100.

O gañador do primeiro premio levarase 500 euros; o do segundo, 300; e o do terceiro, 200. O xurado pode declarar os premios desertos se considera que ningún dos traballos presentados ten a calidade suficiente.

O idioma dos traballos que se presenten ao certame de narrativa pode ser galego ou catalán. A temática deste premio debe estar enfocada a achegar á sociedade os valores humanos máis exemplares, ofrecer á xuventude modelos de civismo, solidariedade, convivencia e respecto polos demais e polo medio.

Bases certamen Rosalia Castro