(23/09/2013)
Veciños de Xesta restauran dous símbolos da emigración
redacción 20.09.2013 | Faro
Unha das esculturas restauradas. // Faro
A Asociación de Veciños de San Bartolomé de Xesta restaurou dous dos símbolos máis importantes sobre a emigración no municipio da Lama, os dedicados a Isolino Pumar Trigo. Pumar foi un veciño de Xesta que se encargou, entre outras cousas de facer unha colecta entre os emigrantes en México e tramitar as xestións ante o goberno da época, para ampliar a estrada dende Xesta ata as aldeas de , A Grifa, Pigarzos e Campelo, así como a conexión de teléfono.
Os traballos consistiron na limpeza dun obelisco privado, realizado por encarga da súa viúva e fillas, así como da praza que o rodea. Pintáronse as letras dos epígrafes e colocáronse adornos florais. No caso do busto de bronce, déuselle un tratamento para o metal, así como a limpeza da pedra e os epígrafes.
Conta a historia, que tramitou directamente co ministro da época a xestión da colocación do teléfono. E cando estivo instalado, a primeira chamada realizouna Isolino ao ministro agradecendo as xestións. Estes traballos da Asociación forman parte das actividades dunha brigada de voluntarios.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas