(20/09/2013)
Eleccións Alemaña 2013: Un terzo dos españois que emigran a Alemaña acaban volvendo Segundo o informe da Organización para a Cooperación e o Desenvolvemento Económico (OCDE), dos sureuropeos que viñeron a probar sorte a Alemaña, os españois son os primeiros en regresar: un de cada tres inmigrantes españois neste país volve a casa ao cabo dun tempo, seguidos dos gregos -a metade deles permanece en territorio alemán-. As razóns: presumiblemente, a dureza na asimilación do idioma, as trabas á hora de encontrar piso ou o choque co «modus operandi» xermano.
josé-pablo jofré / correspondente en berlín/ABC
Día 19/09/2013 -
A dureza na asimilación do idioma ou as trabas á hora de encontrar piso son algúns dos motivos que os levan a regresar
reuters
O español José Manuel Abel, no seu primeiro día como asistente de cociña en Múnic, en xullo de 2012
Pero están os que quedan, que son a maioría. A OCDE apunta que a raíz da crise, a emigración española en Alemaña entre 2007 e 2011 ten repuntado nun 50 por cento e crecendo: o ano pasado uns 28.000 españois emigraron a Alemaña, un 44,7 por cento máis en comparación co ano anterior.
Os españois non foron os únicos: máis dun millón de persoas emigraron a Alemaña en 2012, unha cifra que non se alcanzaba dende hai 17 anos. A maioría deles os, 765.000, son de procedencia europea, sobre todo do Leste e do Sur de Europa. En primeiro lugar sitúanse os polacos (176.000), séguenas os romaneses (116.000) e, en terceiro lugar: os búlgaros (59.000). No cuarto lugar están os gregos, logo españois e italianos.
Segundo a Oficina Federal de Estatística de Alemaña, case a metade dos novos inmigrantes chegados a Alemaña ten finalizado estudos superiores e están mellor cualificados, «o que axuda a que encontren máis doadamente unha ocupación relacionada cos seus estudos e en menos tempo». Segundo o Instituto para o Mercado do Traballo de Núremberg (IAB, segundo as súas siglas en alemán), en 2005 este tipo de inmigrante só alcanzaba ao trinta por cento, seis anos despois a cifra ascende a 44 por cento.
Quedará finalmente por verse se a nova inmigración da periferia europea -chamada eufemisticamente mobilidade por moitos políticos alemáns- cara a Alemaña diminuirá a competitividade destes países ao mediano prazo.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas