Transporte escolar
Xunto coas clases, ponse en marcha tamén a partir de hoxe todo o entramado que permitirá que miles de alumnos poidan chegar ás súas aulas á hora prevista. Onte mesmo a Consellería de Educación aínda non tiña actualizada a cifra total de rutas que durante os próximos meses estarán activas na provincia, aínda que o ano pasado eran 471, das que se beneficiaban 12.350 estudantes. Debido a esas rutas, que en moitos casos duran ata 40 minutos, o horario de entrada nos colexios será diferente.