A Comisión Europea advertiu este martes ás autoridades maltesas da súa «obrigación humanitaria» de autorizar a entrada na illa dun petroleiro con 102 inmigrantes de orixe africana a bordo, aos que rescatou en alto mar, e que Malta rexeita acoller.

«Neste momento, é unha obriga humanitaria das autoridades maltesas permitir a estas persoas desembarcar. Enviar o buque de volta a Libia sería contrario ao dereito Internacional», declarou a comisaria de Interior, Cecilia Malmström. A comisaria, ademais, recordou o patrón do barco lanzou unha alerta médica para atender a unha muller ferida que necesita «hospitalización inmediata». «Aínda entendendo a especial presión migratoria que afronta Malta, a Comisión insta ás autoridades maltesas a deixalas desembarcar axiña que como posible», insistiu.

Segundo os medios malteses, as autoridades italianas pediran á embarcación, con bandeira de Liberia, que rescatase un bote situado a 45 millas da costa de Libia no que viaxaban 102 inmigrantes africanos, e que os trasladase a Homs, o porto máis próximo. Pero en lugar de retroceder, o petroleiro continuou a súa ruta cara á illa.