(06/08/2013)
m. r. | a coruña 06.08.2013 | la opinión
Pintadas na furgoneta de Equus Zebra. / 13fotos
A ONG Equus Zebra, dedicada á atención da comunidade inmigrante e en situación de exclusión social da cidade, amenceu onte con varias pintadas nazis nun dos seus vehículos, segundo denunciou o presidente da asociación Víctor Ombgá. En concreto, apareceron unha esvástica nazi e as cifras 14/88, habitualmente utilizadas por grupos filofascistas e hitlerianos.
Ombgá asegurou que se trata da primeira agresión racista que reciben desde que Equus Zebra opera na cidade e informou de que os feitos xa foron postos en coñecemento da Policía Nacional.
Creada no 2000, esta ONG converteuse nun dos principais recursos de asistencia para moitos inmigrantes e cidadáns en situación de exclusión social, co fin de buscar a súa integración na sociedade.
A nivel internacional tamén realizan proxectos co fin de mellorar a vida nos países de África. Ademais, contan con proxectos puntuais de desenvolvemento en países como Senegal, Camerún e Uganda.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas