(02/08/2013)
Colectivos de emigrantes galegos en Suíza tamén se sumaron á homenaxe ás vítimas do tren que descarrilou a semana pasada en Santiago. Fixérono cunha misa celebrada na igrexa do Sacro Corazón, baixo a organización dos colectivos Cerceda, Tordoia, A Nosa Galicia, Galaica Onex e Irmandade Galega. Nestas entidades figuran centenares de emigrantes orixinarios da comarca.
O discurso principal correu a cargo da deputada cantonal Loly Bolay, natural de Corme, quen resaltou o terrible do drama e preguntouse polas causas que puideron provocalo.
Autoridades
Ao acto, moi emotivo, acudiron numerosas autoridades. Entre elas, o cónsul xeral de España, o embaixador de Suíza ante a ONU (nacido en Ourense), o presidente do goberno cantonal e outros representantes deste departamento, de municipios da zona, e da cidade de Xenebra, entre as que destacaba a súa alcaldesa.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas