(23/07/2013)
Máis de 700 persoas gozaron onte das celebracións do Día da Independencia de Colombia, que tiveron lugar no parque de Santa Margarita ata as nove da noite.
Os festexos foron organizados pola Asociación Amigos Mira España e incluíron actuacións folclóricas, degustacións de produtos típicos do país andino e outras actividades.
As actuacións musicais sucedéronse durante toda a xornada e incluíron varias demostracións de salsa, ballenato, cumbia colombiana e outros bailes tradicionais.
No apartado gastronómico púidose gozar de carne á llanera, chourizos colombianos, arroz con pito, a bandexa paisa -un prato típico da cociña antioqueña- ou os tradicionais raspaos -granizados-.
O coordinador de Amigos Mira España na Coruña, Elieser Noreña, destacou o bo ambiente da festa que atraeu numeroso público tanto da comunidade colombiana e como doutros veciños da cidade.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas