EP | SANTIAGO O número de afiliados estranxeiros afiliados á Seguridade Social en Galicia baixaron un 7,69 por cento en abril con respecto ao mesmo mes do ano pasado, de forma que se situaron nas 31.270, fronte ás 33.875 que había en 2012, cando xa caera a afiliación nun 7,79 por cento.

No conxunto do Estado, a Seguridade Social gañou 15.138 cotizantes estranxeiros en abril, un 0,94 por cento en relación a marzo, ata situarse o número de inmigrantes en alta en 1.619.275 ocupados. En términos interanuales, baixou en 89.303, un 5,23 por cento.

Do total de afiliados en Galicia, 24.800 pertencen ao réxime xeral --18.802 xeneral (descontados os sistemas especiais); 1.187 ao sistema especial agrario e 4.811 ao sistema especial do fogar--; 5.004 persoas son autónomas; e 1.466 están no sector do mar.

Por provincias, A Coruña sitúase á cabeza con maior número de afiliados, con 11.427 estranxeiros apuntados; seguida de Pontevedra, con 11.189; Lugo, con 4.629 afiliados; e Ourense, con 4.025.

De todos eles, 12.509 proceden de países da Unión Europea, os cales, na súa maioría (8.762) traballan no réxime xeral descontados os sistemas especiais agrario e do fogar. En canto ao xénero, 8.262 son homes e 4.248, mulleres.

A eles, súmanse os 18.761 orixinarios de países non pertencentes á UE, de entre os cales a maioría están afiliados no réxime xeral (sen contar o agrario e fogar), ao contabilizar 10.040 persoas. Do total, 10.198 son mulleres e 8.563, homes.

Sectores

Por sectores, o comercio, reparación de vehículos de motor e bicicletas é o que maior número de afiliados acumula, co 35,45 por cento; seguido da hostelería, que conta co 21,66 por cento; e a construción, na que está o 9,31 por cento dos afiliados á Seguridade Social. O 5,18 por cento pertence ao sector da industria manufacturera e o 4,38 ao ámbito da educación.

Galicia acumula o 1,93 por cento dos afiliados á Seguridade Social, o que a sitúa no posto número 12 en canto a número de estranxeiros afiliados, por diante de Navarra (1,33%), Asturias (0,81%), A Rioja (0,76%), Estremadura (0,74%) e Cantabria (0,65%). No lado oposto, están Cataluña (22,02%) e Madrid (21,37%).