GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A metade dos fillos de inmigrantes séntense españois

(14/05/2013)

A metade dos fillos de inmigrantes séntense españois

Un estudo mostra que o proceso de integración é lento pero constante

Escrito por:
A Voz/Efe
Madrid 13 de maio de 2013

O proceso de integración social e cultural dos inmigrantes de segunda xeración -mozos nacidos en España de pais estranxeiros ou traídos ao país antes dos 12 anos- é lento pero constante e gradual, o que se demostra en que case o 50% deles se considere español. Segundo desvela a Investigación Lonxitudinal sobre a Segunda Xeración en España, elaborada polo Instituto Universitario Ortega e Gasset e a Universidade de Princenton, o sentimento de integración dos fillos dos inmigrantes que chegaron a España nos noventa aumentou significativamente nos últimos anos, pasando dun 28,7% no 2008 ao 48,3% no 2012.

En concreto, hai diferenza entre os que naceron en España (80%) fronte aos que chegaron a idades temperás, entre os que o colectivo que máis se identifica co país son os filipinos, seguidos dos búlgaros. Só os mozos bolivianos e chineses mostran unha tendencia significativamente menor a identificarse como españois.

Para os autores do estudo, Alejandro Portes e Rosa Aparicio, outra evidencia do avance do proceso de integración é o feito de que practicamente a metade dos fillos dos inmigrantes teñen unha maioría de amigos cuxos pais son españois.

Unha tendencia, precisaron, que é aínda máis forte entre os nacidos en España e entre arxentinos, chilenos e venezolanos, fronte aos bolivianos, ecuatorianos, dominicanos e chineses que teñen maior tendencia a manter amizades dentro do propio círculo étnico.

Os inmigrantes de segunda xeración non se senten en xeral discriminados pola sociedade española e só ao redor dun 10 por cento aseguraron sentir discriminación por calquera motivo.

Portes sinalou que os inmigrantes «van e veñen» pero os seus fillos quédanse e son os «novos españois», un feito que se demostra en que «a inmensa maioría» dos enquisados en 2008 «se quedou» e só un 2 por cento deixou o país.

Así mesmo, o 80 por cento dos participantes entón continúan no sistema escolar; máis dun terzo deles encóntrase aínda «loitando» por completar a secundaria básica; un 45 por cento está a completar o bacharelato ou a formación profesional de nivel superior e un 5 por cento logrou acceder á universidade.

Os fillos de estranxeiros comparten cos mozos españois as súas aspiracións respecto aos estudos e o emprego. Así, un 68 por cento de mozos de segunda xeración -un 71 por cento dos nativos- aspira a un título universitario, aínda que as súas expectativas de conseguilo son menores: só un 57 por cento espera realmente acceder á universidade.

Esta similitude non se estende á situación económica das familias pois o 66 por cento dos fillos de inmigrantes proveñen de familias cuxos ingresos non superan os 1.500 euros mensuais e o 37 por cento vive en fogares que dispoñen de menos de 1.000 euros ao mes, fronte aos autóctonos, dos cales só unha cuarta parte debe subsistir con menos de 1.500 euros de ingresos mensuais.

Aparicio destacou que malia que estas cifras non indican unha situación de pobreza extrema, si poñen de manifesto as «moi modestas» circunstancias que ten que afrontar a maioría dos mozos de segunda xeración.

En canto ao desemprego, os fillos dos inmigrantes tampouco distan moito dos españois: aproximadamente o 16 por cento dos primeiros decláranse desempregados e un 14 por cento dos segundos.

Aparicio e Portes insistiron en que os mozos de segunda xeración se están a integrar «de forma positiva» porque a poboación española foi «sumamente acolledora», pero a investigadora advertiu de que este proceso podería variar.

E iso, alertou, debido a que as axudas outorgadas a este colectivo «están a diminuír» como consecuencia da crise e a que poboación nativa «sofre cada vez máis os recortes

 

 

Novas e Actualidade


Titulares
Histórico


 ACTIVIDADES

Xuño 2019
LMMeXVSD
     12
3456789
10111213141516
17181920212223
24252627282930
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas