(03/05/2013)
Jesús Vázquez percorreu a Federación de Sociedades Galegas e o MEGA
Cronicas de la Emigración
Mariana Ruiz, Bos Aires | 03 Maio 2013 -
Jesús Vázquez observa os documentos da Federación de Sociedades Galegas.
Na primeira xornada da súa misión oficial no país, o conselleiro de Educación, Cultura e Ordenación Universitaria, Jesús Vázquez Abad, visitou, onte xoves, a Federación de Sociedades Galegas da República Arxentina e o Museo da Emigración Galega en Arxentina (MEGA).
Alí, o titular da carteira de Educación e Cultura, acompañado polo director de Política Lingüística, Valentín García; o presidente da Federación, Francisco Lores; e membros da comisión directiva da casa, percorreu as instalacións e interesouse sobre as actividades e actuacións que leva adiante a institución.
A visita incluíu un percorrido polo taller de restauración e a exposición permanente do MEGA e a Biblioteca Galega de Bos Aires 'Antonio Pérez Prado'.
O conselleiro iniciou este xoves unha visita de cinco días a Arxentina co obxectivo de promover a internacionalización das industrias culturais galegas e impulsar o ensino da cultura e o idioma de Galicia no país.
Ademais, durante a súa misión oficial, Vázquez Abad ten previsto asinar cadanseu convenios de colaboración coas universidades Nacional de Bos Aires e de Belgrano (privada) e reunirse cos seus pares de Educación e Cultura da cidade de Bos Aires e de Arxentina; así como tomar contacto cos principais referentes da colectividade galega local.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas