GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Lalín. A poboación inmigrante na zona mantense a pesar da crise

(29/04/2013)

A poboación inmigrante na zona mantense a pesar da crise

Moitas persoas prefiren capear as dificultades laborais e o paro porque a inestabilidade nos seus países de orixe lles desanima a retornar

 

Los venezolanos son el colectivo más activo en las comarcas, con dos asociaciones en Lalín y A Estrada.  

Os venezolanos son o colectivo máis activo nas comarcas, con dúas asociacións en Lalín e A Estrada.

 

O bum no económico hai uns anos, co ladrillo como principal fortaleza, converteu ao noso país nun novo Eldorado. Na súa procura chegaron a miles os inmigrantes dispostos a atopar un futuro máis plácido. E aínda que a maioría o lograron, o estalido da crise xerou un progresivo crecemento no número de retornos, que se agudiza segundo se enquista a situación, cun paro galopante.

Se as cifras globais apuntan a ese regreso aos seus países de orixe ou o salto a outras ao fracasar o seu intento de radicarse en España por parte de moitos inmigrantes, en Deza e Tabeirós-Terra de Montes altérase o guion. A poboación de orixe estranxeira asentadas nas comarcas non só non descendeu senón que incluso creceu lixeiramente. Se tomamos o 2008 como o primeiro ano de referencia, cando comezou a crise económica, a poboación estranxeira era entón de 5.284 persoas. No 2012 ese número aumentou ata os 5.424.

¿Que hai detrás dese lixeiro incremento? Á marxe dos movementos habituais de poboación nun lustro, entre 2008 e 2012, con chegadas e saídas de estranxeiros, a maioría dos que chegaron ás comarcas conseguiron acceder ao mercado laboral. Outros tiveron ou teñen dificultades para atopar traballo, pero -segundo apuntan desde departamentos municipais vinculados á emigración- optan por permanecer na zona ante a inestabilidade tanto política como económica que tamén ben os seus países de orixe.

A maioría de estranxeiros censados na zona procede de Europa. En concreto son 1.774 no 2012, o que supuxo un crecemento respecto ao 2008, que foron 1.689. Romanía encabeza o ránking, ademais cun forte aumento da inmigración nese lustro de referencia a pesar da crise no noso país, ao pasar de 352 a 520. Tamén é significativa a presenza de persoas de Portugal, cun lixeiro repunte de 387 a 393, así como de Francia, aínda que en descenso leve, de 367 a 339.

Sudamérica, con países como Venezuela, Arxentina, Brasil ou Colombia, séguelle na procedencia de inmigrantes nas comarcas. Desde América saltaron o charlo ata aquí, que estivesen empadroadas no 2012, un total de 1.547 persoas. Unha cifra inferior aos 1.696 do 2008. Segundo os datos do Instituto Nacional de Estatística (INE), esa diferenza prodúcese sobre todo polo descenso de arxentinos -de 361 a 270- e brasileiros -de 284 a 204-, aínda que tamén descendeu a colonia venezolana algo menos significativa -de 570 a 514-. Por contra, creceu especialmente a poboación nacida tanto en Paraguai -de 39 no 2008 a 71 no 2012- como en República Dominicana -de 29 a 52- ou Ecuador -de 11 a 29-.

Desde África aumentouse a inmigración, ao crecer de 147 a 267 censados en Deza e Tabeirós-Terra de Montes. Na súa maioría proceden de Alxeria e Marrocos, con 267 e 172 persoas respectivamente, crecendo de forma significativa no período de referencia. Asia tamén subiu, de 22 a 57 co bum dos bazares chineses, mentres que de Oceanía tan só hai sete censados nas comarcas.

 

 

Novas e Actualidade


Titulares
Histórico


 ACTIVIDADES

Abril 2019
LMMeXVSD
1234567
891011121314
15161718192021
22232425262728
2930     
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas