Para realizar as obras no inmoble adquirido, o colectivo Abu Baker tivo que pedir licenza de obra maior para adecuala ás necesidades da comunidade musulmá. A nova casa, duns 220 metros, entre a vivenda e o patio interior, conta con dous accesos, unha pola travesía de Arteixo e outro a través da leira. Ademais de utilizar o inmoble como lugar de oración, o centro tamén contará cunha sala de exposicións na planta baixa, ademais dunha zona de vestiarios. Outra das finalidades do inmoble é impartir clases de árabe para todo o que desexe aprender esta lingua. Tamén se impartirán outros idiomas, cursos de informática e outros talleres.